PD nuk tërhiqet siç PS me Griseldën në rastin e Ndriçim Jonuzit. Edhe pse vetë ky i fundit pohon se është afër PD-së si qëndrim politik për shkak të të qënit ish-i përsekutuar, e që plagosjen e aktivistit demokrat nuk e ka bërë për arsye politike, porse ata (aktivistët), i kishin bllokuar rrugën një gruaje me shami, PD ka publikuar një foto të tij me ish-kryebashkiakun socialist dhe disa zyrtarë të tjerë bashkiakë asokohe.
“Edi Rama merret me gënjeshtra dhe manipulime ndërkohë që dhunuesit nuk janë arrestuar akoma! Asnjë gënjeshtër nuk e ndihmon dot Ramën, sepse të gjitha faktet dëshmojnë se sulmuesit e djeshëm janë njerëzit e tij dhe kanë vepruar me qëllim.
Ky është një sulm kriminal kundër demokracisë sonë nga një njeri që tashmë e di se do t’i humbe zgjedhjet. Të dielën ne do të fitojmë dhe do të sjellim ndryshimin, për të cilin Shqipëria ka nevojë”, thuhet në deklaratën e PD. /tesheshi.com/
