Partia Demokratike ka rinxjerrë në skenë zyrtarin e LSI-së Klemend Balili, i cili një muaj më parë u fol se ka arrest ndërkombëtar ndaj tij por që rezulton i pakapur.
Me anë të një deklarate dhe fotosh PD tha se Balili po bën plazh i qetë në Sarandë dhe policia e Edi ramës po e mbron.
Pak ditë më parë, disa media shkruan se Balili është “I penduar” dhe ka nisur tratativat për tu bërë dëshmitarë i drejtësisë.
Por PD sot ka hapur çështjen me akuza të ashpra.
“Dëshmi nga vendngjarja konfirmojnë se sot në mesditë, në kompleksin Sejko në Sarandë është shfaqur Klement Balili, i shpallur në kërkim ndërkombëtar për trafik droge. Bashkangjitur janë fotot ku Klement Balili shfaqet mbi një skaf, duke shijuar ditët e nxehta në det.
Ky fakt dëshmon se Edi Rama jo vetëm i siguroi arratinë dhe shpëtimin prej aksionit ndërkombëtar të DEA-s amerikane, policisë greke dhe belge, por po i ofron edhe më shumë garanci e paprekshmëri që ai të bëjë dhe pushime pa i hyrë ferrë në këmbë”, thekson deklarata e PD-së. /tesheshi.com/
