Pasi kryeministri Edi Rama bëri publike listën e personave në përfitojnë shpërblim për festat e fundvitit, ka reaguar Partia Demokratike, e cila ka akuzuar kreun e qeverisë se tallet me pensionistët, ndërsa vetë, me ata që PD i cilësoi si ‘hajdutë’, vjedh miliona në tatime e dogana.
“Shqetësimi ynë është se tallesh me pensionistët duke u dhënë si lëmoshë ca qindarka ndërkohë që ti dhe hajdutët e tu në qeveri, vetëm këtë vit keni vjedh nga tatimet dhe doganat 400 milionë dollarë”,- thotë PD në një deklaratë për shtyp.
PD akuzon se Rama dhe ‘hajdutët e tjerë kanë vjedhur vetëm në një vit nga tenderat plot 777 milionë euro”.
“Shqetësimi ynë janë ato 2500 familje apo ata 10 mijë qytetarë që s’kanë me çfarë të mbyllin muajin e jo më të mendojnë për darkën e viti te ri sepse i ke hequr nga pagesa e ndihmës ekonomike gjatë periudhës korrik- shtator 2015. Shqetësimi ynë janë ato familje që do ta kalojnë vitin e ri nën dritën e qirinjve sepse s’kanë mundësi të paguajnë faturat e rritura dhe abuzive të energjisë elektrike me të cilat do të mbushet gropa prej 600 milionë eurosh e aferës CEZ”,- thotë PD në deklaratë./tesheshi.com/
