PD i është drejtuar me 5 pyetje qeverisë në lidhje me zgjerimin e Greqisë me 12 milje në Jon. Ka ardhur kjo pas një statusi të kryeministrit Rama, ku në pak rreshta potencon një lloj sqarimi që e ofron prej kohësh, e që e bën dhe së fundi.
Parlamenti grek radifikoi kët ditën shtrirjen dhe 12 milje, por që sipas Ramës, në çështjet e komplikuara në kufijve detarë, nuk kanë asnëj lidhje me marrëveshjet klasike detare, pasi të njëjtën gjë ka bërë dhe Shqipëria në 90-ën.
Por cilat janë 5 pyetjet e PD-së:
- Përse qeveria shqiptare nuk ka bërë asnjë transparencë në lidhje me negociatat për ndarjen e kufijve ujorë me Greqinë, megjithëse negociatat për këtë qëllim kanë ri-filluar që më 2013?
- Cilët janë elementët që janë negociuar, ne lidhje me çfarë është rënë dakord dhe çfarë nuk është rënë dakord?
- A është diskutuar ndonjëherë në këto negociata ideja që qeveria greke t’i shtrinte ujërat e veta territoriale nga 6 ne 12 milje? Nëse po cili ka qenë qëndrimi i qeverisë shqiptare në këtë pikë?
- A e vendos Shqipërinë kjo shtrirje nga pala greke e detit territorial në 12 milje, në një pozitë më pak të favorshme negociuese?
- A ka analizuar qeveria shqiptare pasojat juridike dhe të tjera të kësaj shtrirjeje për të cilën mediat kanë raportuar prej kohësh?
- Nëse ky zgjerim e vendos Shqipërinë në një pozitë më pak të favorshme, a duhet që qeveria shqiptare të paraqesë rezervat e saj lidhur me këtë zgjerim si dhe me aspekte të tjera që përkeqësojnë pozitat e Shqipërisë.
Nga ana tjetër, përgjigja e Ramës është e parathënë për këto 5 pyetje:
“Shtrirja 12 milje e Greqisë në Jon s’ka lidhje me zonën joniane mes nesh!
E drejta e 12 miljeve ushtrohet aty ku është e mundur dhe jo aty ku s’ka mundësi, siç është rasti në zonën mes nesh ku vija ndarëse do të vendoset me gjyq! Greqia e ka ushtruar këtë të drejtë së fundmi, fiks siç e ka ushtruar Shqipëria qysh në vitin 1990! Të tjerat janë dokrra!”, shkroi i pari i qeverisë. /tesheshi.com/
