Partia Demokratike dhe aletatët e saj po përgatisin një plan ligjor për të mposhtur krimin. Kjo u bë e ditur nga kreu demokrat Lulzim Basha, pas mbledhjes së grupit parlamentar të PD-së.
Basha akuzoi kryeministrin Edi Rama për gjendjen që po kalon vendi në raport me shtetin ligjor dhe demokracinë, duke e cilësuar situatën si në buzë të greminës.
“Blerja dhe tjetërsimi i votës nga Rama dhe PS u bë nga paratë e pista të krimit të organizuar dhe ndihmës së bandave dhe klaneve kriminale të krimit të organizuar.
Qytetarët e kanë të qartë se kur një qeveri del nga shitblerja e votës edhe vete qeveria është e blerë, se kur përdoren kriminelët për të mbledhur votat e qytetarëve, qeveria i përket krimineleve dhe jo qytetarëve
Vendi është në prag të një gremine, është një katastrofë totale sa i përket shtetit ligjor dhe demokracisë. Kjo është një këmbanë alarmi për çdo shqiptar të ndershëm.
Ndaj PD po përgatit një plan politik dhe ligjor për të nisur bashkë me shqiptarët e ndershëm pa dallime politike një luftë, e cila dhe do të ketë vetëm një përfundim: mposhtjen e krimit të organizuar dhe për këtë duhet të mposhten ustallarët e tyre politikë”, theksoi Basha.
Në vijim ai drejtoi një apel për një apel për një bashkim të madh kundër krimit si dhe për të bërë të mundur largimin e kartelit politiko-kriminal, në krye, të të cilit sipas Bashës, qëndron Edi Rama.
“Ti kërkosh Ramës të luftojë krimin e organizuar do të thotë ti kërkosh të luftojë vetëveten. Besoj se kjo është e tepërt.
Ndaj detyra jonë është të bëhemi bashkë në një front të gjerë opozitar, në një alenacë të vlerave me të gjithë qytetarët shqiptarë, e ardhmja e fëmijëve cënohet nga krimi i organizuar me pushtet dhe ti japim vendit zgjidhjen e vetme të kësaj gjendje që është largimi i kartelit politiko kriminal me në krye kryeministrin e votave të blera të mazhorancës fiktive dhe të një parlamenti ilegjitim”, tha Basha. /tesheshi.com/
