Ekspertët e partisë Demokratike, të mbledhur në një tryezë me zyrtarët politikë paraqitën atë që e cilësojnë draft prej 300 rekomandimesh për reformën në Drejtësi.
Depolitizimi i sistemit gjyqësor, shqyrtimi i pozicionit të prokurorit të përgjithshëm dhe statusi i prokurorëve të tjerë janë thelbi i platformës së opozitës.
Deputeti demokrat, Eduart Halimi tha se reforma në Drejtësi do të bazohet në dy shtylla: në luftën ndaj korrupsionit dhe ruajtjen e pavarësisë së gjyqësorit.
Ndërsa juristi Enkelejd Alibeaj konfirmoi se platforma e PD përmban 300 rekomandime, 60 prej të cilave i përkasin rrafshit kushtetues.
“Platforma është plotësuese ndaj dokumenteve të miratuara nga komsioni i reformës. Ne i jemi referuar rekomandimeve të Këshillit të Evropës, Komisionit të Venecias dhe disa organizmave të tjerë ndërkombëtarë”, tha Alibeaj. /tesheshi.com/
