PD nxorri një dokument të drejtësisë greke, që sipas saj vërteton faktin që Qerim Ismailaj, kryebashkiak i Mallakastrës, ka qenë dënuar në shtetin fqinj vite më parë.
“Sipas vërtetimit me nr. Protokolli 405 të Prokurorisë pranë Gjykatës së Shkallës së Parë Athinë, Edi Rama i Mallakastrës, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000. Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek”, tha Gazmend Bardhi, nr.2 i demokratëve, duken bërë publik dokumentin.
Sipas tij, Ismailaj ka bërë një shkelje të hapur të ligjit të dekriminalizimit, ndaj duhet të largohet nga detyra e më pas të ndiqet penalisht.
“Sipas ligjit të dekriminalizimit, Qerim Ismailaj nuk mund të ushtrojë asnjë funskion publik, aq më pak të jetë kandidat për Kryetar Bashkie. Ai është subjekt ndalimi sipas ligjit dhe duhet menjëherë të procedohet penalisht për falsifikimin e formularit të dekriminalizimit”, arsyetoi Bardhi. /tesheshi.com/
