Valdrin Pjetri, kryebashkiaku i ri Shkodrës nën siglën e PS-së, është kauza e re e PD-së. Siç është bërë e qartë tashmë, opozita po tenton të gjejë te ai, e kaluara e tij, elementë të Elvis Rroshit të Kavajës, me pretendimin se dhe Pjetri ka qenë dikur njeri me njollë. Madje për PD-në, siç thuhet dhe në një mesazh të fundit të kreut demokrat Basha, ai ka qenë trafikant droge.
“Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge”, shkruan Basha.
Pjetri nga ana e tij është mbrojtur duke u deklaruar i gatshëm të hetohet imtësisht mbi të kaluarën, duke hedhur poshtë çdo akuzë.
Për herë të parë pas afro 30 vitesh, Bashkia e Shkodrës i ka kaluar të majtës dhe, njeriu që e përfaqëson këtë ndryshim politik historik, po përballet tashmë me sulmet e stuhishme të opozitës. /tesheshi.com/
