PD ka përkujtuar 8 Dhjetorin ’90 te Qyteti Studenti, ku është bërë një konfondim mbi të djeshmen e asaj dite e të sotmen politike, diktuar dhe nga protestat e studentëve para Ministrisë së Arsimit.
Si Berisha e si Basha, njëri pjesë e asaj historie ndryshimesh politike por tjetri aspak, i kanë mëshuar gjuhës anti-qeveri, më saktë anti-Rama, gjithashtu protagonist i së djeshmes e sot në pushtet, duke futur në funksion gjuhën e egër të akuzave.
“Kanë bllokuar ëndrrën e Dhjetorit të 1990. Ky grup hajdutësh ka vetëm një projekt, atë të grabitjes së Shqipërisë. para që duhet të shkonin për këto konvikte janë zhdukur në gropat e korrupsionit në dhjetëra projekte. Ky sistem duhet rrëzuar me cdo kusht. Sot duhet të shohim nga e ardhmja si studentët tanë që janë derdhur në rrugët e Tiranës, pasi Shqipërinë nuk është e lirë si Europa. Le ta japim sot ultimatumin tonë politik, si dëshirë dhe aspiratë e cdo shqiptari. Parlamenti shqiptar ose do të pastrohet nga krimi ose do të rrëzohet, do të rrëzohet. Qeveria shqiptare u takon qytetarëve, ta çlirojmë nga krimi”, tha Basha, i cili pasoi Berishën me frazat: “Sot prej katër ditësh kemi një dhjetor të dytë. Si asnjëherë tjetër universitetet e vendit kanë nisur betejën ndaj regjimit të Edi Ramës. Ky regjim i ka mbyllur Shqipërisë dyert e Europës”, deklaroi Berisha.
Kujtojmë se 8 Dhjetori është shpallur si “Dita e Rinisë” nga PD kur ishte në pushtet, kjo në vitin 2009. /tesheshi.com/
