Kreu demokrat Basha e ka lexuar pjesëmarrjen në votimet e 30 qershorit si sukses të PD-së. Duke u fiksuar në shifrën e pretenduar të 85 përqind mospjesëmarrje, Basha tha se “Demokratët, opozitarët, shqiptarët e thjeshtë ia dështuan planet Edi Ramës” .
“85% e shqiptarëve dje refuzuan Edi Ramën. 85% e shqiptarëve treguan dje se duan ndryshimin. Jo ndryshimin e thjeshtë politik, “ik ti e të vij unë”, por ndryshimin e vërtetë që nis me ndryshimin e sistemit, garantimin e zgjedhjeve të lira dhe të ndershme, garantimin e votës dhe fuqizimin e saj”, theksoi kreu demokrat.
Dhe ndryshe nga zërat sipas së cilës PD u vetëekzekutua si forcë me 30 qershorin, Basha tha se “PD doli më e fortë dhe më e bashkuar nga 30 qershori”. /tesheshi.com/
