Projektligji i ardhur nga qeveria për ndryshimin në ligjin për “barnat dhe shërbimin farmaceutik” cënon rëndë sigurinë e medikamenteve. Në këtë përfundim ka arritur partia Demokratike, e cila kërkon heqjen nga ligji të nenit për importin e
medikameteve te prodhuara në vendet e Ballkanit, ku cilësohet detyrimi që ato “të qarkullojne në një nga vendet e BE”.
Ky “liberalizim”, sipas deputetit Tritan Shehu, godet frymën e ligjit, eliminon kriteret e cilësisë se medikamenteve.
Standardet dhe koefiçenti i sigurisë, sipas PD-së, janë diçka tjetër që nuk ka lidhje me tregtinë e lirë e për të cilën përgjigjet së pari ministria e Shëndetësisë para popullsisë.
“Në këto kushte, ne kërkojme që më parë të ngrihet një komision i posaçëm i përbërë nga specialistë vendas dhe të huaj, të zyrtarizuar nga EMA ose OBSH, për të përmirësuar: ligjin tonë në drejtim të sigurisë së medikamenteve të prodhuara në vend, të importuara nga vendet e Ballkanit, si dhe për të forcuar kapacitetet tona kontrolluese e laboratorike”, ka thënë Shehu. /tesheshi.com/
