PD, në një përpjekje për ta mbajtur part profilin anti-komunist, ngjashëm si në 90-ën, morri pjesë në përkujtimin e kryengritjes së Postribës, e cila mbushi 73-vjet.
Kryetari Basha nuk qe prezent, e në vend të tij, nr.2 Gazmend Bardhi, përçoi mesazhin politik të rastit, duke thënë se ata, demokratët, janë pasardhës të atyre që bën Postribën.
“Politikisht, ne demokratët, mund ta themi me bindjen e plotë dhe me krenari, se jemi bijtë e asaj lëvizje që ndodhi 73 vite më parë.
Ne demokratët e kemi vijuar, e kemi pasur në ADN-në tonë mesazhin, amanetin e atyre burrave që dhanë jetën për liri.
Atë që nisën ata, e realizuan shqiptarët në vitet‘90”, tha Sekretari i Përgjithshëm demokrat.
Sipas tij, edhe sotmja politike ka ngjashmëri me të atëhershmen.
“73 vite më pas, kryengritja e Postribës mbetet aktuale; sepse na thërret për të qëndruar sërish, për të luftuar për lirinë, për të drejtat humane, përkushtimin për të mos pranuar sundimin.
Sepse edhe sot, kemi në fuqi një regjim që po sfidon çdo ditë, të drejtat, liritë dhe vlerat tona europiane.
Kemi në emër të çdo demokrati, nderimin më të thellë para çdo patrioti të kombit, para Postribës, para trimave tëPostribës, që 73 vite më parë e paguan me gjakun e burrave të kësaj treve, përpjekjen për liri”, tha Bardhi. /tesheshi.com/
