Partia Demokratike i është rikthyer sërish akuzave për trafik droge të bandës së Habilajve. Në një dalje për mediat, deputeti i partisë Demokratike, Enkeljed Alibeaj thotë se trafiku i drogës funksiononte edhe me mbështetjen e ish-drejtorit të policisë së Vlorës Jaeld Çela, i cili sipas selisë blu, ka dekonspiruar edhe operacionet e SHISH.
Aliebaj tha se PD zotëron një dokument prej 18 faqesh ku tregohen bisedat dhe mesazhet mes Habilajve dhe drejtuesve të policisë së Vlorës.
“Policia e shtetit jo vetëm ishte kthyer në roje të transportit të kanabisit në Itali, por Jaeld Çela ka dekonspiruar operacionet e SHISH për llogari të Habilajve”, tha Aliebaj. Për lidhje me bandën e Habilajve është akuzuar edhe ish-ministri i Brendshëm, Saimir Tahiri. /tesheshi.com/
