Partia Demokratike i ka bërë thirrje kryeministrit Rama që të kthehet se më shpejt nga Miami për atë ç’i ka ndodhur Shqipërisë nga përmbytjet, për dhe për shkak të ngjarjeve të tjera, që sipas opozitës janë dramatike.
“Situata e përmbytjeve po përkeqësohet me shpejtësi në të gjithë vendin, me dhjetëra familje që sipas tij kanë mbetur në qiell të hapur e shumë të tjera që rrezikojnë nga ujërat që po vërshojnë nga jugu në veri. Edhe rendi e siguria janë në rënie me shpejtësi të rrufeshme në këtë fillim viti, duke nënvizuar se, vetëm në 24 orët e fundit janë shënuar 3 viktima, 2 të ekzekutuar me armë zjarri në Vlorë dhe Durrës dhe një në një aksident rrugor”, deklaroi kështu n/kryetari demokrat, Edmond Spaho, sipas së cilit të vetmit që nuk i bëhet vonë dhe vazhdon pa teklif pushimet luksoze në Miami është kryeministri, i cili siç tha Spaho, sot duhet të ishte në krye të detyrës dhe në krah të qytetareve që po kalojnë orë të vështira.
“Ky aheng e kjo festë e shfrenuar e tij në këto orë dramatike, kur vendi është në emergjencë kombëtare, është tregues i pacipësisë dhe papërgjegjshmërisë të kryeministrit”, shtoi Spaho. /tesheshi.com/
