Partia Demokratike ka akuzuar Ministrin e financave Arben Ahmetajn se ka në staf një person që kërkohet nga Byroja Federale e Hetimit, FBI.
Deputeti i Partisë Demokratike, Luçiano Boçi tha se “Prej një jave, shqiptarët janë njohur nepërmjet medias se Byroja Federale e Hetimit, FBI, ka zbarkuar në Shqipëri pasi ka rënë në gjurmët e një krimi financiar. Kompania e cila hetohet është drejtuar nga Knidi Bashari, këshilltari i Ministrit të Financave Arben Ahmetaj, që siç e pohon edhe ai vetë ka drejtuar këtë kompani deri në gusht 2015”, ka deklaruar Boçi.
Ai ka akuzuar kryeministrin Edi Ramase, “nuk kanë vullnet për të zbatuar ligjin e dekriminalizimit”. “Ky rast dëshmon qartë vullnetin e Edi Ramës për të bashkjetuar e bashkëqeverisur me krimin”, ka shtuar Boçi./tesheshi.com/
