Ditën e sotme Partia Demokratike ka depozituar ne kuvend projektrezolutën “Për nderimin dhe mirënjohjen e thellë nga Republika e Shqipërisë për figurën e Presidentit Ibrahim Rugova” në 10- vjetorin e vdekjes.
PD kërkon vendosjen në një nga sheshet kryesore të qytetit të Tiranës, të shtatores së Presidentit Ibrahim Rugova.
Kreu i grupit parlamentar të PD-së, Edi Paloka në nisje të seancës plenare kërkoi edhe njëherë miratimin e projektrezolutës për vlerësimin e ish-presidentit të Kosovës, Ibrahim Rugova në 10-vjetorin e ndarjes së tij nga jeta.
Ai shtoi se PD është e hapur për diskutime në lidhje me tekstin e saj dhe kërkesat.
Nga ana tjetër, deputeti socialist Erion Brace tha se Parlamenti e ka bërë vlerësimin e tij në çdo rast që e ka ndjerë për ta vlerësuar figurën e Rugovës./tesheshi.com/
