Partia Demokratike ka vijuar edhe sot akuzat ndaj kreut të Shëndetësisë, duke thënë se ministri Ilir Beqaj është kampioni i korrupsionit qeveritar.
Referuar një raporti të Kontrollit të Lartë të Shtetit, deputetja Albana Vokshi u shpreh se ministri i ka shkaktuar buxhetit të shtetit një dëm në vlerën e 1 milion lekëve.
“Janë gjetur më shumë se 90 mln lekë të dhëna në klinika për trajtime që nuk janë kryer, apo që janë kryer në spitale brenda vendit, në kundërshtim me vendimin e Këshillit të Ministrave. Janë mbi 60 mln lekë rimbursime për trajtime të mëparshme që nuk parashikohen në vendimin e qeverisë”, tha Vokshi
Duke cituar KLSH-në, ajo shtoi se gjatë pagesave u gjetën edhe raste rimbursimesh për persona që nuk jetojnë më, Partia Demokratike kërkon nga Prokuroria që të hetojë pa humbur kohë denoncimet e saj. /tesheshi.com/
