PD ka kërkuar përjashtimin me 10 ditë nga punimet e Kuvendit, të deputetit Pjerin Ndreu, duke dhënë këtë arsyetim.
“Thirrja për përdorim dhune, apo fyerje dhe kërcënim ndaj një deputeti duke përdorur gjuhë ofenduese parlamentare që cënojnë rëndë personalitetin e deputetit përbën shkelje disiplinore. Për pasojë sjellja e deputetut Pjerin Ndreu bie ndesh me nenin 62 të Rregullores së Kuvendit dhe në përputhje me pikën 2 dhe 3 të nenit 65 të Rregullores, kërkojmë marrjen e masës disiplinore “Ndalim për të marrë pjesë në punimet e Kuvendit në seancë plenare për 10 ditë për deputetin Pjerin Ndreu”, thuhet ndër të tjera në kërkesën e PD.
Fjala është për një fjalosje të Ndreut me kolegun e tij demokrat, Ervin Salianji, në komisionin e sigurisë, të cilën ky i fundit e ka marrë për kërcënim. Byroja e Kuvendit e ka rrëzuar kërkesën e demokratëve, ndërkohë që vetë Ndreu ka reguar duke kujtuar “zhelet” e dikurshme të Jozefinës.
Me ardhe djali ne shpi nga kopeshti me te thene, se njeri me tha do rrafe, ti se merr seriozisht ! Ne kopeshtin e PD kalamajt jane qaramane e vene kujen per asgje ! Medaljet ne politike nuk fitohen keshtu. Po kur thone se duhet terheqe zvarre, duhesh kape per zhelelsh, apo kur artikulojne akuza publike banale e te genjeshtra per droge e idiotesi keta te kopeshtit te PD ?! Keta shohin qimen te syri tjetrit e nuk shohin traun te syri vete ! Mjere ne per opoziten e lodhur dhe qaramane!”, shkruan Ndreu. /tesheshi.com/
