Komisioni i Pavarur i Kualifikimit shtyu për më datë 5 shkurt dhënien e verdiktit përfundimtar për Donika Prelën, drejtuesen e Krimeve të Rënda, të cilën opozita e sulmon po aq ashpërsisht sa dhe kryeprokuroren Arta Marku.
“Komisioni i Pavarur i Kualifikimit njofton se, për shkaqe të arsyeshme, seanca e shpalljes së vendimit për subjektin e rivlerësimit, Znj. Donika Prela, me detyrë drejtuese e Prokurorisë së Shkallës së Parë për Krimet e Rënda, përcaktuar në datë 29.01.2019, ora 10:00, do të shtyhet për në datë 05.02.2019, ora 9:00”, thuhet në njoftimin zyrtar.
Gjatë procesit të vettingut, znj. Prela rezultoi me probleme te pasuria, aty ku janë rrëzuar shumë kolegë të saj.
Më saktë, te një veprim financiar i të shoqit vite më parë, i cili iu ishte shmangur detyrimeve ndaj shtetit. Ndaj këtij rasti, prokurorja e njohur përdori një argument social, atë që duke qenë bëhet djalë për Shqipërinë, kjo gjë ishte konsideruar normale. Por PD ka vënë alarmin për këtë arsyetim. Sipas saj, një njeri i ligjit, që ka shkelur ligjin, e që më pas mbron paligjshmërinë me të tilla forma, nuk mund të jetë në sistemin e drejtësisë. /tesheshi.com/
