Kryesia e Partisë Demokratike ka miratuar një material të përgatitur mbi analizën e zgjedhjeve vendore të 21 qershorit.
Në mbledhjen e kryesisë ka pasur debate mes anëtarëve në lidhje me materialin, që sipas disave ka qenë jo I thelluar dhe është marrë më shumë me kundërshtarin.
Në fund kryesia e PS-së është zgjeruar edhe me dy prurje “të reja”: Arben Imami që është emëruar kreu I Fondacionit për “Liri Ekonomike” dhe Jemin Gjana është caktuar si koordinator për vlerat historike të PD-së.
Në mbyllje të mbledhjes, Basha tha se: “Jemi të vendosur të nxjerrim mësimet tona me qëllim përmirësimin në nivel organizativ të strukturës, nga seksioni në qendër, dhe përgatitjen e fuqishme për përballjen e ardhshme politike, zgjedhjet e përgjithshme parlamentare, në të cilat Partia Demokratike do të shkojë si një parti e fuqizuar në numrin e anëtarëve, ndjekësve, të rinjve e të rejave, grave e burrave demokratë, dhe me një program e ofertë bindëse për ta nxjerrë Shqipërinë nga kriza”.
/tesheshi.com/
