PD denoncoi që atë e konsideron manipulim shifrash të KQZ-së, sa i përket pjesëmarrjes në votime në 30 qershor.
Siç tha Ivi Kaso, Sekretar për Çështje Zgjedhore, falsfkimi nuk lëviz me 1 përqind, por me 5, 10, 20, 30 dhe mbi 40 përqind dhe ofroi një tabelë treguese që sipas tij janë bashkitë ku është manipuluar pjesëmarrja.
- Bashkia Finiq ka një rritje të numrit të votave krahasuar me numrin e votuesve me 41%
- Ura Vajgurore me 35 %
- Berati me 27 %
- Vau i Dejës dhe Maliqi me 21 %
- Durrësi me 18 %
- Bulqiza me 17 %
- Dropulli me 13 %
- Malësia e Madhe, Korça dhe Kruja me rreth 12 %
- Bashkia e Kukësit dhe Gramshit me 10 %
- Divjaka e ka manipulimin mbi manipulimin gati 9 %
- Bashkia Lushnje me 8.5 %
- Bashkia Shkodër me gati 7 %, ndërsa bashkitë Sarandë, Rrogozhinë, Vlorë, Fier dhe Belsh me nga 6 dhe 5 përqind.
“Pra janë mbi 20 bashki, me mbi 5 përqind të fallsfifikimit mbi manipulimin e së dielës nga Komisioni Qendror i Vjedhjeve”, vijoi Kaso, duke shtuar se:
“është 1 e treta e bashkive ku janë shtuar më shumë se gjysma e votave, për arsyen e vetme që Kryeministri në minorancë, Edi Rama, të mbulojë dështimin, refuzimin, braktisjen e madhe të 30 Qershorit.
Në fakt operacioni kriminal ka qënë shumë më i rëndë. Vetëm në Tiranë manipuloi dhe shtoi rreth 60 mijë votues.
Kjo është arsyeja pse Komisioni Qendror i Vjedhjeve nuk ka hedhur në sistemin online të dhënat e operatorëve për pjesëmarrjen dhe, akoma, 5 ditë pas 30 Qershorit nuk ka publikuar rezultatet qendër per qendër.
Ky është një krim masiv elektoral dhe shpërdorim detyre i kryer nga Denar Biba dhe shumë kriminelë të tjerë pjesë e administratës së Komisionit, që kanë guxuar me lehtësi dhunimin e rëndë të ligjit, Kushtetutës dhe demokracisë”, përfundoi zyrtari demokrat. /tesheshi.com/
