Ndërsa opozita në Shqipëri kërkon votim elektronik, bota po alarmohet se zgjedhjet teknologjike mund të rrezikohen nga hakerat.
Pas SHBA-së dhe Francës, ku janë vërtetuar ndërhyrje, edhe Gjermania ka vënë alarmin.
Shërbimet sekrete gjermane dhe ekspertët i tremben rrezikut të ndërhyrjes së hakerave në zgjedhjet parlamentare në Gjermani.
Por cilat janë metodat e hakerave? “Mund të depërtosh kudo,” thotë Sandro Gaycken, konsulenti për sigurinë për ekonominë dhe politikën, si dhe një nga specialistët e njohur në këtë fushë si drejtor i “Institutit për Shoqërinë Dixhitale” të Shkollës Europiane për Menaxhimin dhe Teknologjinë në Berlin. “Software-t dhe hardware-t e partive politike në Gjermani nuk janë të mbrojtura si kompjuterat e CIA-s,” deklaron ai.
Ndërsa Linus Neumann nga “Chaos Computer Club” në Berlin thekson se, “mjafton një përpjekje e vogël. Një sistem me 1000 bot- (robotët automatikë), që mbush me lajme rrjete si twitter-i, kushton vetëm 30 euro.”
Kjo organizatë lufton prej vitesh me dobësitë e sistemeve kompjuterike. /tesheshi.com/
