Grupi parlamentar demokrat brenda parlamentit vendosi të padisë në Prokurori dy PPP-të qeverisë për akset Milot – Balldre dhe Orikum – Dukat.
“Siç kemi paralajmëruar edhe pas votimit të këtyre dy mega skandaleve korruptive, grupi parlamentar demokrat i ka drejtuar me një kallëzim penal Prokurorisë së Tiranës dhe për dijeni, Prokurorisë së Përgjithshme”, deklaroi në emër të “demokratërve të rinj” opozitarë, Halit Valteri, deputet riosh.
Ai tha se “në këtë kallëzim denoncohen me fakte duke u bazuar edhe me dekretet e kthyera te presidentit dhe raportin e KLSH-së”.
“Denoncohet i gjithë zinxhiri-vendimmarrës, që nga specialisti më i thjeshtë deri te zyrtari më i lartë, që me këtë skeme korruptive i kanë ngarkuar në kurriz shqiptarëve një borxh publik qindra miliona euro”, deklaroi Valteri.
Nga ana tjetër, qeveria e ka mbrojtur ndërtimin e këtyre dy akseve me skemën e PPP-ve, duke iu referuar standartit të zgjedhur, atij A, si dhe formës së financimit, që sipas saj bën të mundur ndërtimin e këtyre apo dhe të tjera veprave infrastukturore. /tesheshi.com/
