Pa Berishën personalisht, PD-ja e Berishës shkoi sërish në seli, pa thyerrje dyersh gjithsesi, duke i dërguar një ultimatum Bashës për ikjen nga zyra pas shkarkimit referendar.
Në emër të Komisionit të Rithemelimit, Belind Këlliçi tha se Basha ka një afat deri më 5 janar.
“Jemi këtu për të bërë një komunikim në lidhje me letër dorëzuar z. Lulzim Basha dhe për dijeni trupit diplomatik në Shqipëri. Në të thuhet: z.deputet, PD është detyruar të përballet me një sërë sfidash serioze, por që nuk e kanë tronditur moralin e demokratëve.
Fatkeqësisht dhe jashtë vullnetit të tyre, demokratëve u është dashur të përballen me mosfunksionimin e organeve.
Në këto kushte, një grup deputetësh, anëtarë dhe drejtues, në përputhje me ndryshimet statusore morën përgjegjësinë e thirrjes së Kuvendit të 11 Dhjetorit.
Në vendimin nr. 6, Kuvendi i PD ka vendosur shkarkimin tuaj nga detyra për thyerje të rëndë të statusit të PD-së.
Me anë të këtij dokumenti ju ftoj të njiheni me vullnetin me organet më të larta të kësaj partie. Të merrni masat për të jetësuar vullnetin e qartë të mijëra anëtarëve. Të dorëzoni menjëherë dokumentat deri më 5 janar të 2022”, tha Këlliçi ndër të tjera.
Po nëse Basha këtij ultimatum deri më 5 janar? Përgjigja që dha Këlliçi: “Refuzimi i vullnetit të demokratëve do të detyrojë anëtarësinë të shndërrohet në përmbaruesin politik të vullnetit të saj”.
Thënë ndryshe, do veprojë forca. Ajo e turmës. /tesheshi.com/
