Grupimi Alibeaj, që zyrtarisht njihet nga institucionet si Partia Demokratike, ka marrë tre propozime nga të cilat mund të zgjedhë për kandidatin e Tiranës që do të përfaqësojë partinë në zgjedhjet vendore të 14 majit. Kështu, përveç Rudi Erebarës, një poet e shkrimtar, janë propozuar edhe emrat e Jonila Godoles dhe Roland Bejkos. Ky i fundit, një lazaratas që ka drejtuar në vite PD-në e Gjirokastrës, kritik ndër më të ashpërit ndaj Berishës pas shpalljes së këtij të fundi si “non grata”.
Ndërkohë, pas vendimit të KQZ për të regjistruar PD-në me nënkryetar Enkelejd Alibeaj dhe duke refuzuar Sali Berishën, ky grup bëri thirrje për regjistrimin e kandidatëve të Rithemelimit nën siglën e PD zyrtare. Por kërkesa po refuzohet prerazi u nga pala tjetër.
Rithemelimi ka prezantuar si kandidat për Bashkinë Tiranë Belind Këlliçin, ndërsa të shtunën PS pritet të zyrtarizojë kandidatët e saj, ku për Tiranën Erion Veliaj është i sigurt drejt rikandidimit. /tesheshi.com/
