Pas konferencës në Presidencë, ku këshilltari juridik Bledar Dervishi denoncoi ato që kreu i shtetit Meta i quan “prova të kapjes së Gjykatës Kushtetuese” nga ana e mazhorancës, reagoi PD në mbështetje të presidentit.
“Dokumentat e bërë publikë nga Presidenti janë tronditës. Qeveria boton në Fletoren Zyrtare një akt për llogari të KED-së, që sipas Kushtetutës është një institucion pa asnjë lidhje me qeverinë.
Me një skemë kriminale, qeveria ka ndërmarrë veprime aktive për t’i rrëmbyer kompetencën kushtetutese Presidentit të Republikës për emërimin e një anëtari të Gjykatës Kushtetuese dhe për të emëruar aty një shërbëtore politike të qeverisë.
Është një tjetër akt i paprecedentë që minon ndarjen dhe balancimin mes pushteteve, shtetin ligjor dhe besimin e qytetarëve tek drejtësia, zhbën Reformën në Drejtësi dhe thellon krizën politike dhe institucionale në vend”, shkroi Sekretari i Përgjithshëm Gazmend Bardhi. /tesheshi.com/
