Të gjithë ligjërimin masakrues ndaj qeverisë, ç’prej kur PS erdhi në pushtet, PD e ka përmbledhur së fundi në një video, duke ofruar sipas gjykimit të saj të gjithë dështimet e skandalet e kabineteve Rama në 5 vjet.
Duke qëndruar brenda trinomit akuzues krim/drogë-vjedhje, opozita ofron skanerin e saj këtë fundvit, mbi kundërshtarin politik që e rrëzoi nga pushteti në 2013-ën.
“Një vështrim të 5 viteve të qeverisë së rrënimit të shqiptarëve përmes vjedhjes së pasurive publike, lejimit të trafikut të drogës e kanabizimit të vendit, korrupsionit me taksat dhe PPP-të, ministrave të kapur nga krimi i organizuar, pastrimit të parave me shembjen e Teatrit Kombëtar dhe vjedhjes së tenderave si ai i Unazës së Re me parajsa fiskale! Një Shqipëri më e varfër e më larg Europës!”, thuhet nga PD. /tesheshi.com/
