Opozita shqiptare hyn sot në ditën e katërt të protestës së saj nën një çadër gjigande ngritur para Kryeministrisë. Një ditë më parë, pati dy reagime ndërkombëtare ndaj saj, nga eurodeputeti Flackenstein dhe zëdhënësja e BE-së, Maja Koçijançiç.
I pari tha se pretendimet e opozitës për zgjedhje jo të lira duhen shoëruar me fakte, ndërsa e e dyta, në emër të politikës së Brukselit tha se vendi i dialogut është parlamenti.
Por ndërkohë, thirrjet nga brenda çadrës për të mos dalë prej atij pa u larguar Rama nuk kanë rreshtur. Kreu i PD-së, Lulzim Basha tha se ishte i vendosur në rrugën e tij.
Ndërsa nga qeveria u potencuan akoma më shumë zërat se protesta e opozitës është forma e zgjedhur për të bllokuar vettingun.
Pati dje gjithashtu dhe një reagim nga Meta, i pritur prej ditësh sidomos nga opozita, por jo në formën e dëshirueshme. Kreu i LSI-së dhe njëherësh i Kuvendit, tha se ka respekt për protestuesit e se çëshjten zgjidhen duke dialoguar.
Por po mungon tashmë është reagimi amerikan. Ambasadori Donald Lu, ndër diplomatët më të angazhuar në zhvillimet shqiptare, e sidomos për reformën në Drejtësi, nuk është ndjerë akoma. /tesheshi.com/
