Partia Demokratike ka hapur sot zyrtarisht garën për zgjedhjet brenda partisë për kryetarin e ri.
Me një vendim organizativ të firmosur nga dy nënkryetarët e kësaj partie Edi Paloka dhe Edmond Spaho u lihen 4 ditë afat kundërshtarëve të Lulzim Bashës që të organizohen për të kandiduar emrin e tyre.
Vendimi ka si afat datën 2 korrik për regjistrimin e kandidaturave, ndërsa zgjedhjet një anëtar-një votë mbahen më 22 korrik.
Vendimi bën të ditur se do të votojë çdo anëtar i PD-së deri ditën e votimit, duke u hap kështu rrugën edhe simpatizantëve demokratë që duan të votojnë për njërin apo tjetrin që të anëtarësohen deri ditën e votimit.
Deri më tani kandidati i parë është kryetari aktual Lulzim Basha, i cili ngriu veten deri në zgjedhje.
Përballë tij është Eduart Selami i cili shprehu i pari dëshirën për të kandiduar, por pa u përfshirë me grupin e rebelëve brenda PD-së.
Grupi kritik i Bashës që përbëhet nga ish-deputetë, ish-ministra të PD-së që u lanë jashtë listave, nuk kanë nxjerrë akoma një kandidat për kryetar./tesheshi.com/
