Edhe pse e gjithë vëmendje e opinionit këto ditë është përqëndruar tek temepaturat e ulëta e acari, që për më tepër po shkakton dhe viktima, Partia Demokratike e sheh më tepër si alarmante mos-arrestimin e Klemend Baililit, që sipas saj mbrohet nga Edi Rama.
“Me Edi Ramën, krimi ka mbrojtjen dhe mbështetjen qeveritare. Prej 9 muajsh ka një urdhër arrest ndërkombëtar për Klement Balilin që nuk është zbatuar ende. Klement Balili është ende i lirë dhe i pa shqetësuar nga policia. Shteti i Edi Ramës godet të pambrojturit si Estrefin 22-vjeçar, që vrau veten nga depresioni në burg pasi ishte arrestuar për 1 cigare hashash të dyshuar. Eskobari i Ballkanit nuk arrestohet sepse ka mbrojtjen e Edi Ramës dhe leviz i lirë”, ka thënë Alibeaj, kreu i departamentit të Rendit dhe Sigurisë në PD.
Por akuzave ndaj shefit të ekzekutivitit, i është bashkangjitur edhe rasti i vdekjes së 17-vjeçarit Ardit Gjoklaj në Landfillin e Sharrës, pasi për PD-në, vrasësi i adoleshentit është kryetari i PS-së në Peqin, Edurim Teqja.
“Edhe ai i pashqetësuar, madje merr pjesë në inaugurimet qeveritare sepse ka mbrojtjen politike të Edi Ramës. Me Edi Ramën, krimi ka garancinë për t’i shpëtuar ligjit, për t’i ikur policisë. Me Edi Ramën, shteti është inkriminuar duke u kthyer në shërbyes të trafikantëve të drogës. Çdo ditë që Edi Rama qëndron në pushtet është një ditë e keqe për ne dhe të ardhmen tonë. Le ta ndalim së bashku këtë të keqe. Le ta vëmë qeverinë në shërbim të njerëzve”, ka shtuar Alibeaj. /tesheshi.com/
