PD iu qas dhe njëherë çështjes “Kajmaku”, duke u shprehur e bindur se pas shtetasit Jorgo Toto, proceduar penalisht në Greqi për fallsifikim parash, qëndron vetë ai, kreu socialist i Bashkisë së Vorës.
“Sipas rregullave në fuqi, kur një shtetas pajiset me pasaportë, të dhënat e tij hidhen menjëherë në sistemin shtetëror TIMS. Këtë dokument autentik ne e posedojmë dhe, nëpërmjet tij, provojmë në mënyrë të pakundërshtueshme se Agim Kajmaku i Bashkisë së Vorës është Jorgo Toto, i arrestuar në vitin 2003 në Greqi.
Sipas sistemit shtetëror TIMS, Agim Kajmaku, kur ka patur emrin Jorgo Toto, i datëlindjes 06.07.1971, i biri i Imer dhe Maxhe, ka qenë posedues ekzaktësisht i pasaportës me Nr. Z 0148497.
Kjo është një provë e pakontestueshme që Jorgo Toto i arrestuar në Greqi me pasaportën me nr. Z 0148497, është Jorgo Toto, që ju shikoni në foto, me pasaportën me nr. Z 0148497, dhe që sot mban emrin Agim Kajmaku”, tha Gazmend Bardhi, nr.2 i PD.
Mazhoranca nuk ka reaguar deri më tani, duke lënë të nënkuptuar se nuk beson versionin e PD-së, ndërsa vetë Kajmaku ka garantuar se nuk është marrë as me krim e as me trafiqe në shtetin fqinj. /tesheshi.com/
