Vjen dhe deklarimi i parë i troçtë mga opozita shqiptare për bojkot të zgjedhjeve të 18 qershorit.
Ka qenë një ndër gjuhëashpërit e PD-së, kreu i grupit parlamentar të kësaj partie, Edi Paloka, i cili e ka artikuluar qartë atë që në fakt është nuhatur, mosfutjen në zgjedhje.
Ndërkohë që protesta jonë ka gjetur mbështetje. Ne morëm mesazh nga kongresi amerikan, mediat ndërkombëtare pasqyruan protestën. Në mbështetje të asaj që në kërkojmë janë edhe ambasadorët, dje ambasadori i OSBE tha atë që ne kemi kohë e e themi. Pra të gjithë po vijnë aty ku ne kemi qenë prej kohësh dhe sigurisht kjo mbështetje është e nevojshme. Ne kësaj pjese i jemi mirënjohëse dhe do ti shkojmë deri në fund. Nuk do të ketë zgjedhje në 18 qershor, sepse nuk mund të ketë zgjedhje me një qeveri që është e zhytur në krim”, tha Paloka.
Ky është një zhvillim i ri në skenën politike shqiptare që pritet ta aktivizojë dhe më shumë faktorin ndërkombëtar, nëse do vij duke u shpeshtuar dhe bërë fakt. Precedenti i bojkotit dhe më pas shtyerjes së zgjedhjeve ka ndodhur së fundi vetëm në Maqedoni, por atje opozita ka patur gjithsesi një përkrahje ndërkombëtar. Siç duket dhe në deklarimin e Palokës, PD pretendon se e ka këtë përkrahje tashmë. Por kjo e shton dhe më shumë rebusin për atë se ç’fund do ketë kjo protestë e oozitës. /tesheshi.com/
