Pas shpalljes “fiktive” të rezultateve të zgjedhjeve të 25 qershorit, nga ana e kreut të vetëngrirë të PD-së, Basha, është dhe kryetarja e re e LSI-së, Monika Kryemadhi, e cila ka përdorur të njëjtin term për t’i zhvlerësuar ato, më saktë pra, fitoren e PS-së, ish-aleates së saj, sot kundërshtare.
“LSI do të vazhdojë të njohë arritje të reja politike dhe elektorale si domosdoshmëri që demokracia në Shqipëri të fuqizohet dhe qytetatërt të vendosin sovranitetin, qeverisjen dhe institucionet nga zgjedhjet e 25 qershorit. Maxhoranca e zgjedhjeve të 25 qershorit është fiktive përmes procesit të manilpuluar. Vota e lirë është goditur rëndë në mënyrë të strukturuar kriminale në të gjithë vendin, ndaj kërkoj angazhimin maksimal për t’iu përgjigjur këtij momenti dhe përgjegjësisë politike më të madhe që LSI ka pasur ndonjëherë”, tha znj. Kryemadhi, në mbledhjen e kryesisë së LSI-së.
Kështu, fitorja e thellë e PS-së, i ka vënë sërish krahpërkrah, PD-në dhe LSI-në, por vetëm në zhvlerësimin e rezultatit deri më tani, pa asnjë sinjal që mund të jenë dhe aleatë opozitare kundër mazhorancës së re me “një timon”, me 75 vota. /tesheshi.com/
