Deputetët e opozitës nuk kanë marë pjesë sot në mbledhjen e Komisionit të Posaçëm të Reformës në Drejtësi, që të diskutojnë dërgimin në Kuvend të 7 ligjeve të reformës.
Kreu i komisionit, Fatmir Xhafaj, i ka bërë thirrje PD-së që të mos luajë me nervat e njerëzve.
”Jam i shqetësuar nga deklarimet publike të PD-së që rëndojnë klimën politike. Do të ishte mirë të bisedojnë sesa të japin ultimatume e presione politike nga studiot televizive. Mirë është që të ulemi dhe të diskutojmë. Zgjidhja më e mençur dhe më dobiprurëse do të ishte të ulet në komision dhe të diskutojmë si ta vendosim këtë proces në një procedurë normale”, tha Xhafaj.
Ai nuk e kurseu ironinë për Ilir Metën, me të cilin u përplas një javë më parë, për të cilin tha se opozita i prishi vizitën në SHBA.
/tesheshi.com/
