Partia Demokratike e bëri realitet atë për të cilën i druheshin ndërkombëtarët e që përcollën mesazhin që mos e bënte: dorëzoi për ankimim në Gjykatën Kushtetuese ligjin për“vetting-un.
Deputeti Oerd Bylykbashi, njeriu i këtij aksioni të fundit të opozitës, tha se, “Rama kërkon që kontrollin e gjykatësve e prokurorëve ta bëjë Partia Socialiste me njerëzit e saj”.
“Ligji “Vetting”-ut i miratuar në Kuvend është në kundërshtim të plotë me Kushtetutën. Jemi dakord që të luftohet korrupsioni duke ndryshuar Kushtetutën e jo duke e shkelur atë. Me ligjin e “Vetting”-ut të miratuar cënohet parimi i ndarjes së pushteteve”, shtoi Bylykbashi.
Opozita e sheh këtë institucion si mundësinë e fundit për të rrëzuar një ligj, që sipas Partisë Demokratike i jep qeverisë kontrollin politik mbi organet që do të vendosin për pastërtinë e gjyqtarëve dhe prokurorëve.
Sakaq, ditë më parë ndërkombëtarët u deklaruan deklaruar kundër ankimimit në gjykatë të ligjit të vetting-ut, duke thënë se kjo do të vështirësoje edhe vendimmarrjen e fundtetorit në lidhje me hapjen e negociatave të anëtarësimit të Shqipërisë në Bashkimin Europian. /tesheshi.com/
