Partia Demokratike pothuajse është pozicionuar qartë tashmë kundër Reformës në Drejtësi, duke fashitur çdo dilemë e pikëpyetje, veç atyre se si do reagojnë ndërkombëtarët, posaçërisht Mogherini, e cila do të mbërrijë të shtunën në Tiranë.
Kreu i grupit parlamentar demokrat, Edi Paloka, e tha qartë sot në ditën e 13 të protestës, ku bojkoti ndaj parlamentit vijoi dhe këtë të enjte.
“Kemi nevojë për drejtësi të pavarur, por jo drejtësi nga kryebanditi”, tha Paloka.
Po kaq i ashpër ka qenë dhe deputeti Halimi, duke e zhvlerësuar tërësisht parlamentin, aty ku pritet të marrë formë të plotë Vetingu dhe e gjithë Reforma në Drejtësi.
“Ai Parlament është strehë e krimit, është parlamenti më i inkriminuar në këto 26 vjet. Kjo qeveri solli në administratë njerëz me rekorde kriminale”, tha Halimi. “tesheshi.com”
