Referuar një programi të transmetuar në kanalin RAI3, ku autoritetet e përtejdetit shprehnin shqetësimin për intensifikimin e sasisë së lëndëve narkotikëve që vijnë nga Shqipëria, Partia Demokratike ka akuzar sërish qeverinë “Rama” si të implikuar në trafikun e drogës.
“Prokurori i Antimafias, Cataldo Motta jep alarmin për sasi të kanabisit të pakapura më parë. Në 1 javë janë kapur nga policia italiane 3.8 tonë kanabis nga Shqipëria. Edi Rama e mohon, por Motta ka deklaruar se autoritetet shqiptare nuk janë të gatshme të luftojnë drogën”, tha kreu i departamentit për Rendin dhe Sigurinë në PD, Enkelejd Alibeaj.
Sipas tij, ajo çka u pa në programin e RAI3-shit tregon se funksionarët e shtetit marrin 40 euro për çdo bimë të kultivuar, para që siç tha zyrtati demokrat do të përdoren nga kryeministri dhe qeveria e tij për të blerë zgjedhjet e ardhshme.
“Ekonomia e drogës është e vetmja ekonomi që funksionon, ku janë fokusuar të gjitha të ardhurat dhe asetet. Të gjithë e dinë këtë. Duhet të bashkohemi e t’i tregojmë vendin Edi Ramës”, ka shtuar më tej Alibeaj në deklaratën e tij. /tesheshi.com/
