Ka shpërthyer një debat i ashpër sot në politikën shqiptare, kur po vjen koha e korrjes së kanabisit.
Ish-ministri i Brendshëm, Flamur Noka i ka shkruar një letër Kryeministrit Edi Rama ku e akuzon qeverinë se ka lejuar mblelljen e bimëve narkotike në të gjithë vendin.
“Droga është biznes qeveritar. Kanabisi ka pushtuar vendin dhe rrënjët i ka në zyrën e Tahirit dhe Edi Ramës.
Ky biznes drejtohet nga Rama dhe Tahiri, të gjitha faktet dhe sipërfaqja e mbjellë e tregon këtë”, thekson Noka.
Sipas deputetit të PD-së, opozita ka informacione se është pesëfishuar mbjellja e drogës, madje janë hapur edhe ara të reja.
Kreu i opozitës Lulzim Basha lëshoi akuza të forta në drejtim të policisë, që sipas tij ka lejuar kamiona me pleh organik që të kalojnë drejt Selenicës, ku po mbillet masivisht kanabis.
Por ministri i Brendshëm Saimir Tahiri, i kërkoi opozitës të mos flasë por t’i drejtohet prokurorisë.
“Më kanë bërë të ditur që kjo është deklaruar dje nga kryetari i Partisë Demokratike në një emision. Gjithsesi, unë e ftoj të bëhet politikan serioz, t’i lerë fjalët e kota, ta bëjë publike, ta çojë në Prokurori. Ka disponibilitetin tonë të plotë për çdo hetim në raport me akuzat që thotë se ka, përndryshe, me llafe pazari për të mbushur studiot televizive, unë nuk kam kohë të merrem”, tha Tahiri.
/tesheshi.com/
