PD ka zbritur në terren në kauzën e saj politike për teatrin. Me anë të deputetes Vokshi, ajo u bë promotore e një peticioni ku i kërkohet Presidentit Meta që të mos e dekretojë ligjin që i hapë rrugë prishjes së godinës së vjetër, për t’u ndërtuar teatri i ri.
“Iu bëj thirrje autoriteteve më të larta për të mos lejuar miratimin e një ligji mafioz që është një akt kriminal antikushtetues. Sikurse ju e keni tashmë të qartë Edi Ramës nuk i intereson arti dhe kultura. Atij i intereson që të shembë teatrin, pavarësisht se cilësohet trashëgimi kulturore, për të ngritur në këtë territor ,me një akt antiligjor, 6 kulla nga kompania ‘Fusha. Tre prej kullave do të ngrihen brenda territorit të teatrit”, tha znj.Vokshi. /tesheshi.com/
