VMRO nuk rresht së ofertuari, siç dhe të akuzuari LSDM-në, në lidhje me pranimin e platformës shqiptare, pas së cilës është gati të ngjitet në pushtet, në koalicion me BDI-në, pas vendimit më të fundit të partisë së Ali Ahmetit. Më i fundit qëndrim i dalë nga partia e Gruevskit, ështe ftesa për të shkuar sërish në zgjedhje dhe, gjatë fushatës Zaevi të mbronte kërkesat shqiptare
“VMRO-DPMNE i bënë thirrje LSDM-së dhe Zoran Zaevit se, nëse janë të sigurt se pranimi i platformës shqiptare është e mirë për Maqedoninë dhe ajo do të pranohet nga qytetarët, atëherë të pranojnë zgjedhje të reja në të cilat do të votohet për platformën nga Tirana”, thuhet në një qëndrim të fundit të VMRO-së.
Dhe më tej, ajo sërish e fton Zaevin që të heqë dorë nga platforma shqiptare dhe të qeverisë si kryeministër.
“Nëse Zaev nuk është i sigurt në rejtingun e tij dhe përkrahjen, vlerësojmë se LSDM duhet të refuzojë platformën dhe të heqë dorë nga realizimi i të gjithë elementeve që çojnë drejt federalizmit dhe formimit të shtetit binacional. Në këtë rast VMRO-DPMNE do të ja japë të gjitha votat e saj LSDM-së, për të formuar qeveri, çfarë të dojë, por pa kërcënime dhe pranim të platformave që shkaktojnë pasoja dhe do ta shndërrojnë Maqedoninë nga multietnike në binacionale”, thuhet në një deklaratë. /tesheshi.com/
