(Mos)ratifikimi i marrëveshjes së Demarkacionit me Malin e Zi ka qenë tema kryesore e diskutimit mes përfaqësueses së BE-së, Frederica Mogherini dhe krerëve kosovarë.
Kjo çështje mori vëmendjen kryesore edhe në konferencën e përbashkët për media me kryeministrin Isa Mustafa, ku Mogherini i bëri të qartë politikës kosovare se nuk ka liberalizim të vizave pa u ratifikuar marrëveshja e Demarkacionit me Malin e Zi.
Ajo tha se nuk ka nevojë ta thotë këtë gjë me zë të lartë, por shtoi se marrëveshja mbetet kushti kryesor sv bashku me luftimin e korrupsionit, por për këtë të fundit tha se ka pasur arrtije.
“Dy kushte që duhet të plotësohen para se heqja e vizave. Kosova ta luftojë krimin dhe korrusionin, është arritur progress këtu, dhe kushti i dytë është ratifikimi i marrëveshjes së Demarkacionit.
Dëshiroj t’iu them shumë qartë se është koha që të votoni Demarkacionin. Nëse e votoni ne jemi të gatshëm të jemi në gjendje të ecim shumë shpejt dhe atë me rezultate shumë konkrtete për të gjithë qytetarët e shtetit”, tha ajo.
E vetëdijshme e partitë opozitare janë kundër, Mogherini shprehu bindjen se partitë politike kur vjen puna te interesat e popullit e tejkalojnë politikën dhe së bashku gjejnë rrugën e pajtimit për të ecur përpara.
“Besoj se partitë do ta gjejnë një mënyrë që të pajtohen dhe ta ratifikiojnë këtë marrëveshje në Kuvend”, tha Mogerini.
Ndërsa kryeministri Isa Mustafa, bëri të ditur se ka kërkuar nga Mogherini që Brukseli të ndikojë që të përmbyllet marrëveshja e Demarkacionit dhe Asociacionit të Komunave me shumicë serbe(!).
“Kërkuam që këto procese dhe kthimi i serbëve në institucione të bëhet përmes një ndikimi nga Brukseli”, tha Mustafa.
Ai shtoi se qytetarët po mbesin peng për shkak të mosratifikimit të Demarkacionit, derisa tha se qeveria ka bërë progres në luftën anti-korrupsion dhe do vazhdojë të punojë ende.
Në konferencë Mogherini dhe Mustafa folën edhe për dialogun me Serbinë ku pohuan se duhet të vazhdojë në mënyrë që të ecet përpara në normalizimin e marrëdhënieve mes dy vendeve dhe të implementohen marrëveshjet e arritura.
Mogerini, do zhvilloi takime edhe partitë opozitare ku pritet të kërkoj prej tyre që të votojnë Demarkacionin, derisa gjatë ditës konfirmoi se do vizitojë edhe Mitrovicën. /tesheshi.com/
