Ish-Ministri i Brendshëm, Pavle Trajanov, pohon të ketë gazetarë të cilët vullnetarisht kanë nënshkruar se do të bashkëpunojnë me shërbimet sekrete të vendit, për çka janë shpërblyer dhe avancuar në karrierën e tyre, por sipas tij, jo secili që komunikon me policinë është bashkëpunëtorë i Shërbimeve.
“Për një numër të madh të gazetarëve, si Sekretar dhe Ministër i MPB-së, kam lexuar raporte nga takime të rastësishme. Për arsye se gazetarët kërkojnë informacione edhe kur bisedojnë me operative, të marrin ndonjë lajm dhe ta publikojnë. Kjo nuk është bazë për t`u lustruar”, deklaroi Trajanov duke u ndërlidhur me rastin e gazetares Jandranka Kostova të cilën komisioni për lustrim ditë më parë e shpalli bashkëpunëtore të Shërbimeve.
Rasti me gazetaren Kostova, hapi dilema të shumta për procesin e lustrimit, pikërisht nga fakti se ajo është kryeredaktore e Javores FOKUS, e njohur për gazetari investigative, me qasje kritike ndaj pushtetit. /tesheshi.com/
