Ajo pjesë e banorëve të “Astirit” që vijojnë rebelimin ndaj projektit të Unazës së, thënë ndryshe edhe ofertave për qera e shpronësim, nuk e “bën pushim” për festën e Pavarësisë.
Ata shënuan ditën e 25 të protestës, duke e shoqëruar edhe me akte destruktive, siç ishte vënia e zjarrit te koshat e mbeturinave, apo rrënimi i rrethimit të kantiereve të punës.
Ndërkohë, risi qe dhe mbërritja në protestë e të njohurit si “kaubojs”, ish-deputetit Eduart Ndocaj, që u rreshtua krah banorëve.
Ndërkohë, një pjesë e banorëve kanë braktisur protestat dhe kanë pranuar ose të shpronësohen ose të akomodohen në banesat sociale që ofron Bashkia. /tesheshi.com/
