Komisioni Europian do të “respektojë” rezultatin e konfirmuar të referendumit mbi pavarësinë e Katalonjës, tha Presidenti i Komisionit Europian Jean-Claude Juncker, por Katalonia nuk duhet të presë që të bëhet anëtare e BE-së menjëherë pas votimit.
“Komisioni nuk angazhohet në debate interne, të brendshme”, tha ai, duke shtuar se diskutimi i referendumit në Katalonjës është hipotetik, pasi Spanja nuk e njeh referendumin, raporton Politiko.
Ai shtoi se nëse do të votohej pavarësia e Katalonjës, atëherë KE do të respektojë një mendim të tillë.
Juncker tha se edhe nëse kjo do të ndodhte, Katalonia nuk do të bëhej anëtare e BE-së ditën e nesërme, por do të duhej të ndiqte të njëjtat procedura të pranimit në Bashkim si ato që u aplikuan në vitin 2004.
Në këtë kuadër ai tha se të njëjtat parime do të zbatoheshin në rastin e pavarësisë së Skocisë.
Zyrtarët e Katalonjës premtuan të mbajnë një referendum më 1 tetor, ndërsa kryeministri Mariano Rajoy tha se do të ndalojë atë me çdo kusht. /tesheshi.com/
