Qeveria spanjolle ka thënë se nuk do të pranojë “shantazhe” pasi udhëheqësit e Katalonjas thanë se pavarësia mund të shpallet javën e ardhshme, raporton BBC.
Carles Puigdemont duhet të kthehet në rrugën e ligjit para se të nisin negociatat, tha qeveria e Madridit në një deklaratë.
Sipas qeverisë së Spanjës, kritika liderit të Katalonjës ndaj mbretit tregoi se ishte “jashtë kontaktit me realitetin”.
Zyrtarët katalonjas thonë se 90% e atyre që votuan në një referendum të diskutueshëm të dielën mbështetën pavarësinë.
Problemi është në faktin se në referendum morën pjese 2.2 milionë njerëz, ose 42 % e numrit të përgjithshëm të votuesve, por ka pasur disa raporte për parregullsi.
Kërcënimi që pavarësia mund të shpallet në mënyrë të njëanshme është duke u marrë seriozisht nga biznese.
Sabadell, banka e pestë më e madhe në Spanjë, ka thirrur një mbledhje të jashtëzakonshme të bordit të saj të enjten pasdite për të diskutuar transferimin e selisë së saj nga Katalonja. /tesheshi.com/
