Përvjetori i nëntë i shpalljes së pavarësisë si edhe çdo vit tjetër ka mbledhur në Prishtinë qytetarë të të cilët shëtisin në sheshet kryesore, derisa në lagje tjera të kryeqytetit nuk vije aromë feste.
Se këtë vit festa është më e zbehtë e tregon edhe mos organizimi i ndonjë koncerti, apo mbledhja e rapsodëve të njohur nga treva të ndryshme ku vitet e kaluara ja hedhnin këngës, kuptohet atyre patriotike, derisa qytetarët argëtoheshin.
Gazetari i portalit tesheshi. com ka realizuar disa foto nga sheshet e Prishtinës ku pothuajse është një ditë e zakonshme, përjashto se sot sheshet janë të stërmbushura me flamuj si të Kosovës ashtu edhe kombëtarë.
Më të gëzuarit shihen se janë fëmijët që mbajnë në duar flamuj, por edhe shitësit ambulantiv të cilët mundohen të fitojnë ca para më shumë këtë ditë.
E veçantë e këtij përvjetori është vendosja e një pankarte me fotot e personave të zhdukur në mes të sheshit “Zahir Pajaziti”. /tesheshi.com/
