Kisha Ortodokse Serbe, mesazhin tradicional për kremtimin e Pashkëve, e ka të mbushur rreth 40% të saj me Kosovë dhe të ashtuquajturit “Martirë të tokës së shenjtë” në Kosovë dhe Metohi, e cila sipas saj është tokë e Serbisë.
Siç bën të ditur Televizioni B92, Patriarku Irinej dhe peshkopët kanë shpërndarë një mesazh zyrtar drejtuar besimtarëve për një majin, që këtë vit i ka rënë që të kremtohen Pashkët Ortodokse.
Që në fillim të saj, Irinej thekson se “gjatë kësaj fundjave të shenjtë mendimi unë shkon për serbët e shtypur, sidomos ata të Kosovës dhe Metohisë që po vuajnë dhe po ecin në rrugën e Krishtit”.
Normalisht, mesazhi për kremten e Pashkët që të krishterët e konsiderojnë po kaq të rëndësishme sa Krishtlindjet, përmban mesazhe paqeje dhe solidariteti. Është kohë ku politika qëndron larg dhe flitet për ndjenja njerëzore.
Por në fakt, mesazhi i Patriarkut të Kishës Ortodokse Serbe bën shumë politikë dhe shkon ndryshe politikës zyrtare të Beogradit e cila po zhvillon një proces dialogu me Prishtinën.
“Ne ndjejmë një dhimbje për vëllezërit dhe motrat tona në Kosovë dhe Metohi. Jeta e tyre dhe besimi në tokën serbe është dëshmi e misterit të ringjalljes së Krishtit.
Llazari i Shenjtë i Kosovës ka shënuar gjithmonë Kryqin dhe Ringjalljen”, thekson Irinej në mesazhin e tij.
Kisha Ortodokse Serbe, jo vetëm ka ndikuar edhe tek homologet e saj në Ballkan që të mos e njohë Kosovën, por madje edhe bën politikë. Gjatë një ceremonia të zhvilluar në Tiranë, ku u përurua katedralja ortodokse dy vjet më parë, Irinej e tha dhe nga kryeqyteti shqiptar se Kosova është Serbi.
Por në një darkë zyrtare të shtruar nga Kryepeshkopi Janullatos, kryeministri shqiptar Edi Rama sulmoi Irinejn duke i thënë se “nuk mund të bësh politikë antishqiptare kur je i ftuar në shtëpinë tonë”.
Irinej bojkotoi darkën, pro Rama theksoi: “Kolegu juaj ka abuzuar me mikëpritjen tonë, duke e tranformuar një festë fetare dhe provën e bashkëjetës tonë fetare në një çështje politike. Ne jemi revoltuar dhe na ka fyer”.
Y. Pata – /tesheshi.com/
