Patriarku Sr. Irinej mbajti një liturgji javore me klerikët rusë në Moskë, njofton Sputnik.
Kreu i Kishës Serbe tha në një deklaratë javore se serbët ishin veçanërisht të lidhur me “nënën Rusi”, se “shpresën dhe ndihmën e tyre gjithmonë e kanë të lidhur për popullin vëllazëror të Rusisë” dhe se serbët sot “janë nën presion të largohen nga Rusia”.
Ai shtoi se “Kisha Ruse dhe populli rus janë shpresa e të gjithë ortodoksëve”.
“Na gëzon fakti që Rusia po qëndron përsëri në këmbë, dhe na gëzon fakti që ka lulëzuar krishterimi në Rusi, si gjithmonë. Për këtë arsye, Kisha Ruse dhe populli rus është shpresa e të gjithë ortodoksëve”, ka thënë kreu i Kishës Ortodokse Serbe.
“Serbia llogarit në ndihmën e Rusisë, në mbrojtjen e tokës së shenjtë serbe, Kosovës dhe Metohisë”, shtoi ai.
“Ne, serbët, kemi një plagë të madhe, të cilën e bart çdo serb, pa marrë parasysh nëse ai jeton në Serbi ose jashtë Serbisë në diasporë, e ajo është Kosova. Është toka jonë e shenjtë, vëllezër dhe motra. Ekzistojnë 1,300 kisha dhe manastire serbe, një vend që u përmbyt me gjakun e atyre që e mbrojtën atë, aty është rezidenca e kryepeshkopatës dhe patriarkalisë serbe. Sot dëshirojnë të na e marrim atë. Le të luftojmë! Shpresa jonë është mbi të gjitha në Zotin dhe Rusinë, dhe ne presim ndihmë të plotë në mbrojtjen e Kosovës, këtij vendi të shenjtë. Ne gjithashtu shpresojmë në shenjtërorët tanë! Atje pushon trupi i Mbretit të Shenjtë, Stefan Deçanskit, atje në Patriarkanën e Pejës qëndrojnë eshtrat e kryepeshkopëve të shenjtë dhe patriarkëve serbë …”, është shprehur Patriarku Sr. Irinej. /tesheshi.com/
