Serbia do të bëjë gjithshka të mundur për të ruajtur Kosovën dhe praninë serbe në atë krahinë, dhe në këtë drejtim Rusia dhe Kisha Ortodokse ruse janë veçanërisht shpresëdhënëse, tha Patriarku Irinej për Sputnik.
Sipas klerikut të njohur ortodoks, Serbia po lufton vazhdimisht për të ruajtur Kosovën në Serbi.
“Ne po bëjmë çdo gjë të mundshme për të kundërshtuar presionin e atyre vendeve që janë aq të padrejtë ndaj nesh, duke pasur parasysh njohjen e Kosovës. Kjo është padrejtësia më e madhe e bërë nga ‘fuqitë tokësore’ dhe do të ketë pasoja shumë serioze për të gjithë botën. Megjithatë, ne shprehim shpresë se shumë vende do të ndryshojnë qëndrimin e tyre. Dhe shpresa është Rusia e cila zë një pozite udhëheqëse në botë. Ne kemi shumë nevojë për ndihmën vëllazërore të Rusisë dhe Kishës Ortodokse ruse”, tha Patriarku Irinej. /tesheshi.com/
