Patriarku i Rusisë, Kirill mbërrin në Tiranë në kuadër të një vizite dy-ditore në Shqipëri.
Vizita e Patriarkut shënon ardhjen e dinjitarit më të lartë rus në Shqipëri prej 50 vjetësh kur Nikita Hrushovi, shefi i shtetit sovjetik vizitoi Shqipërinë.
Për këtë vizitë janë marrë masa të forta sigurie, dhe me vete do të ketë edhe një njësi special truprojash.
Kirilli do të pritet nga kryepeshkopi Janullatos, por edhe nga kreu i shtetit Ilir Meta, si dhe kryeministri Edi Rama. Gjatë qëndrimit të tij në Shqipëri, Patriarku rus do të vizitojë Manastirin e Shën Vlashit në Durrës, si edhe qytetin e Beratit.
“Këtë herë ai do të vizitojë kishën martire të Shqipërisë, e cila vuajti shumë në shekullin e 20-të dhe praktikisht u shkatërrua”, thuhet në deklaratën për shtyp të Kishës Orthodokse Ruse.
Kirill dhe Janullatos kanë një miqësi gati 50-vjeçare dhe kjo nuk është hera e parë që takohen së bashku, por është hera e parë që ky takim realizohet në Shqipëri
Nëpërmjet një postim i në faqen zyrtare, Kisha Ortodokse bën me dije të gjithë axhendën e kësaj vizite.
Axhenda 28-30 prill 2018
Sot në ora 16:00, Kirill mbërrin në Rinas ku do të pritet nga homologu shqiptar Anastas Janullatos.
Më pas do të vijojë Dhoksologjia zyrtare në Katedralen e Ortodokse “Ngjallja e Krishtit”, në Tiranë.
Nesër, më 29 prill, në mëngjes, të dy Primatët e Kishave do të bashkëmeshojnë në Katedralen e Tiranës.
Më pas, Kisha Orthodhokse Autoqefale e Shqipërisë do të shtrojë drekën zyrtare në MAK Albania Hotel.
Nesër pasdite, ora 18:00, do të jepet shfaqja festive në Qendrën Kulturore të Kishës Katedrale.
Në fillim do të kryhet prezantimi i botimit në rusisht të libritJanullatos, “Deri në skajet e dheut”.
Në Liturgjinë Hyjnore dhe në shfaqjen festive do të marrë pjesë edhe Kori Sinodal i Patriarkanës së Moskës.
Në mbrëmjen e së dielës, Presidenti i Republikës, Ilir Meta, do të shtrojë një darkë në Pallatin e Brigadave.
Të hënën, më 30 prill, Patriarku Kirill do të ketë takime zyrtare, me Presidentin e Ilir Meta.
Po ashtu, të hënën Kirill do të takohet edhe me Kryeministrin Edi Rama.
Në fund do të vizitojë Manastirin e Shën Vlashit, Durrës dhe Akademinë Orthodhokse Theologjike.
Largimi i Patriarkut të Rusisë parashikohet të hënën në orën 14.00.
Janullatos ka vizituar zyrtarisht Kishën Orthodhokse të Rusisë në vitin 1999 pikërisht në kohën e luftës së Kosovës, kur Moska dhe Kisha e saj Ortodokse e konsiderojnë si “pjesë të Serbisë”.
Kryepeshkopi i Shqipërisë ka marrë çmimin nga Kisha ruse “Për kontribut të shquar për unitetin e Orthodhoksëve”. /tesheshi.com/
